چال

   

             نتیجئہ فکر: حسان برکاتی گونڈہ 

جو سکھاتے تھے منصفانہ چال

چل پڑے خود ہی ظالمانہ چال

یہ جہاں میرا ہم سفر ہوتا-----

گر میں چلتا منافقانہ چال-----

اپنے پہلو میں چھوریاں رکھ کر

وہ چلے آج دوستانہ چال---------

راستے سے بھٹک گئے وہ بھی---

جن کے ذمے تھی قائدانہ چال---

آگیا یاد دفعۃً ماضی--------------

دیکھ کر ان کی عاشقانہ چال---

آج وہ دےرہے ہیں درسِ حقوق-

جن کی عادت ہے غاصبانہ چال

زیب تن کر کے عالموں کا لباس

چل پڑے گرگ عالمانہ چال-----

اتنی جدت کی کیا ضرورت تھی

کیا نہ کافی تھی؟ سابقانہ چال

میں بھی حسان دیکھ کر ان کو

چل گیا دم میں شاعرانہ چال---

حسان برکاتی گونڈہ