🌹منقبت حضور تاج الشریعہ🌹

محمد حسان رضا برکاتی مصباحی 

بازار باغ دھانے پور ضلع گونڈہ یوپی

عاشقِ خير البشر اختر رضا خاں قادری

صاحبِ علم و ہنر اختر رضا خاں قادری

آپ کے دربار کو رب نے ہے بخشا وہ عروج

جھک گئے شاہوں کے سر اختر رضا خاں قادری

آپ کی ذاتِ مقدس سے ہوا محسوس یہ

آسماں ہے فرش پر اختر رضا خاں قادری

مسلکِ احمد رضا کی پاسبانی کے لیے

آپ تھے سینہ سپر اختر رضا خاں قادری

آپ تو ہیں خلد کے اندر مگر دشمن یہاں

پھر رہے ہیں در بہ در اختر رضا خاں قادری

آپ کے چہرے کی تابانی سدا یکساں رہی

رات ہو یا دوپہر اختر رضا خاں قادری

آپ کی مقبولیت سے دشمنانِ دین کا

بڑھ گیا دم میں شوگر اختر رضا خاں قادری

تاج کا ثانی بنے کاشانہ حسان بھی

آپ آجائیں اگر اختر رضا خاں قادری

🌹حسان برکاتی 🌹